Day 2 之露營記🏕️
Hello 大家好 我哋提早左兩日返左屋企啦🤣
話說大家前一日
見到靚到不得了果d相係我地一到埗已經黃昏五點時
同行表嫂話 應該得返呢幾個鐘有blue sky
之後天氣都會好差
我地快d去左Lake Moraine先時影嘅
果晚都好順利 十點都訓左 亦訓得唔錯
點知第二朝過左中午12點就無停過一秒落雨
直至到我地離開campground 😭😭😭😭
大部分時間都係中大微雨 亦有1/3時間是幾滂沱大雨
需知加拿大一落雨就凍到好得人驚
我地經驗唔夠🤦🏻♀️ 無帶水靴
兩個小朋友著行山涼鞋
所以隻腳仔真係好凍
第二日朝早未落雨 強哥好有心情整左個好靚嘅pancake
表哥佢哋一家好簡約就咁食麥皮🤣
果刻我簡直覺得我哋超強
點知落雨時 我地都唔知可以做咩時
表哥佢地一家四口（佢哋有七歲同兩歲小朋友）
竟然係半大微雨時
突然成家人帶晒頭盔 去踏單車😨
佢哋真係堅秋
呀爸車住個兩歲（佢坐係蓋住左嘅藍裡面）
七歲自己踏一架 呀媽又自己踏一架
然後同我地講 踏出去等兩歲果個可以訓個午覺
然後佢哋就消失左個幾兩個鐘
大家請幻想我同強哥個樣係對望同O嘴
點解佢地可以咁堅秋....
我只能拋下一句「鬼people」.... 🤔🤔
當佢哋離開左campground 時
我真係覺得愈來愈凍
所以我就提議不如我地駕車出去兜下
好過一家五口坐係雨中呀嘛
因此我地就提早一日去左黎我哋campground 只有3分鐘車程嘅lake Louise
原來強哥未黎過睇lake Louise
而我第一次黎Lake Louise 就係我十四歲時
第一次黎加拿大探親時
估唔到第二次黎之時
我多左個鬼佬老公同兩個小朋友
更估唔到自己已經係度定居
強哥問我果時我對加拿大有咩感覺時
我話只記得好羨慕表姐有間好大好靚嘅屋同房
其他野唔係好記得了
然後我哋又返返去campground繼續冷冷雨
但我想講兩個小朋友係勁唔想離開campground
大家可以見面佢地係lake Louise 時是黑面同喊晒口😂
因為佢兩個真係好鐘意係森林入邊玩
佢哋唔介意落雨 成身都玩到泥濘滿佈
只係玩蟲同樹都開心到不得了
真係好開心 好free 果種spirit係我做大人好羨慕
係campground 時完全無投訴過落雨 凍
無手機無電視 無沖涼
係佢哋臉上係見到咩叫pure happiness
所以Day 2有感是
世上沒有天生嘅公主王子
小朋友根本就belong to nature
係我呢d城市大左咁多年嘅人先會嫌三嫌四
例如一個被水浸到濕透嘅漢堡包🍔我真係食唔落
但兩個小朋友同強哥好開心咁食晒
You just have to learn how to have fun even in an unexpected situation!
待續....
Search